Sindhan.info

2010-11-05T02:55:00.000-07:00

சிந்தன்.இன்ஃபொ இன் புதிய வடிவம் குறித்த கருத்துக்களை இங்கே பதிவு செய்யுங்கள்.

சென்னை அருகே 167 ஏக்கர் நிலம் திமுகவினர் ஆக்கிரமிப்பு !

2010-11-01T08:10:00.000-07:00

”சென்னை ஆவடியில் 167 ஏக்கர் நிலத்தை ஆளுங் கட்சியினர் ஆக்கிரமிப்பு செய்துள்ளனர். சம்பந்தப் பட்டவர்கள் மீது தமிழக அரசு உரிய நடவடிக்கை எடுக்க வேண்டும். ஏற்கனவே, தமிழகத்தில் பல்வேறு மாவட்டங்களில் நிலமோசடி விவகாரங் களில் ஆளுங்கட்சியினர் தொடர்ந்து ஈடுபட்டும் அரசு உரிய நடவடிக்கை எடுக்கவில்லை” என மார்க் சிஸ்ட் கம்யூனிஸ்ட் கட்சி யின் மாநிலச்செயலாளர் ஜி. ராமகிருஷ்ணன் கூறினார்.

சென்னையில் ஆவடி அருகே உள்ள மோரை என்ற கிராமத்தில் 167 ஏக்கர் நிலத்தை ஆயிரக்கணக் கான ஏழை, எளிய மக்கள் வாங்கி வரைபட அனுமதி பெற்று, பட்டா பெற்றுள்ள னர். அந்த இடத்தினை ஆளுங்கட்சியைச் சேர்ந்த சிலர் திருமலைநகர் என பெயரிட்டு நில மோசடி செய்துள்ளனர்

மதுரையில் திங்களன்று ஜி.ராமகிருஷ்ணன் கூறியதாவது:

சிமெண்ட் விலையேற்றம்...

தமிழகத்தில் சிமெண்ட் விலை 145 ரூபாயிலிருந்து 290 ரூபாயாக உயர்ந் துள்ளதால் கட்டுமானப் பணி பெருமளவு பாதிக்கப் பட்டுள்ளது. இத்தொழி லில் ஈடுபட்டுள்ள ஏராள மானோர் பாதிக்கப்பட்டுள் ளனர். சிமெண்ட் உள் ளிட்ட கட்டுமானப் பொருட்கள் விலை உயர் வால் அரசுப்பணிகள் மட்டுமின்றி தனியார் கட்டு மானத் தொழில் முற்றிலும் முடங்கியுள்ளது. சிமெண்ட் விலை ஏற்றத்தால் கட்டு மானப்பொருட்கள் அனைத்தின் விலையும் கடுமையாக உயர்ந்துள்ளது. ஆகவே, தமிழக அரசு இந்த விலை உயர்வை குறைக்க உடனடியாக நடவடிக்கை எடுக்க வேண்டும்.

திமுகவினர் நிலமோசடி:
தமிழகத்தில் பல்வேறு மாவட்டங்களில் நில மோசடி விவகாரங்களில் ஆளுங்கட்சியினர் தொடர்ந்து ஈடுபட்டு வருவதை மார்க் சிஸ்ட் கம்யூனிஸ்ட் கட்சி யும், தமிழ்நாடு விவசாயிகள் சங்கமும் தொடர்ந்து சுட்டிக்காட்டி வருகிறன. ஆனால், இப்பிரச்சனையில் தமிழக அரசு எந்த நடவடிக்கையும் எடுக்கவில்லை. இந்த நிலையில் சென்னையில் ஆவடி அருகே உள்ள மோரை என்ற கிராமத்தில் 167 ஏக்கர் நிலத்தை ஆயிரக்கணக் கான ஏழை, எளிய மக்கள் வாங்கி வரைபட அனுமதி பெற்று, பட்டா பெற்றுள்ள னர். அந்த இடத்தினை ஆளுங்கட்சியைச் சேர்ந்த சிலர் திருமலைநகர் என பெயரிட்டு நில மோசடி செய்துள்ளனர்.
அந்த இடத்தில் வரு வாய்த்துறை விசாரணை முடியும் வரை எந்த பத் திரப் பதிவும் நடக்கக்கூடாது என பத்திரப்பதிவுத்துறை தலை வர் உத்தரவிட்டுள்ளார். ஆனால், அதனையும் மீறி ஆளுங்கட்சியின் அரசியல் செல்வாக்கோடு சமூக விரோதக்கும்பல் நில மோசடி விவகாரத்தில் தொடர்ந்து ஈடுபட்டு வரு கிறது. ஆகவே, இந்நில மோசடி தொடர்பாக விசாரணை முடியும் வரை அங்கு கட்டுமானப் பணிகள் நடைபெறவோ, சமூகவிரோதிகள் கூடவோ விடாமல் தமிழக அரசு உறுதியான நடவடிக்கை எடுக்க வேண்டும் என மார்க் சிஸ்ட் கம்யூனிஸ்ட் கட்சி வலியுறுத்துகிறது. அத்து டன் இந்த மோசடியில் ஈடுபட்டுள்ளவர்கள் மீது உரிய நடவடிக்கையை தமிழக அரசு எடுக்க வேண்டும்.

ஆ.ராசாவை பதவி நீக்குக!

2 ஜி அலைக்கற்றை ஒதுக்கீட்டில் நடைபெற்ற முறைகேடு குறித்து உச்சநீதிமன்றம் கடுமையாக விமர்சித்துள்ளது. இந்த நிலையில், 1.4 லட்சம் கோடி ரூபாய் இந்த ஒதுக்கீட்டின் மூலம் அரசிற்கு இழப்பு ஏற்பட்டுள்ளதாக தணிக்கைக்குழு கூறியுள்ளது. தணிக்கைக்குழுவின் அறிக்கையை ஏற்று மத்திய அமைச்சர் ஆ.ராசா தனது பதவியை ராஜினாமா செய்ய வேண்டும். இல்லாவிட்டால் ஆ.ராசாவை, பிரதமர் உடனடியாக பதவி நீக்கம் செய்ய வேண்டும்.

தமிழாகிய - குவாட்டர் கட்டிங் ... (விவாதக் களம்)

2010-10-31T19:39:00.000-07:00

மயிலைபாலு

‘வ' 'குவார்ட்டர் கட்டிங்’ என்ற திரைப்படத் தின் பெயர் தமிழில் உள்ளது. இதற்கு வரி விலக்கு அளிக்க தமிழக அரசு முன் வந்துள்ளது.

ஆங்கில வார்த் தைகளும் உள்ளனவே எப்படி தமிழா கும் என்று சிலர் கேட்கலாம். ‘வ’ தான் படத்தின் பெயர். அதற்குக் கீழே உள்ள ஆங்கில சொற்கள் தமிழ் புரியாதவர் களுக்காக தரப்பட்டுள்ள விளக்கம். எப்படியென்றால், எந்திரன் படத்திற் குக் கீழே ‘THE ROBOT’ என்று இருக்கிறதே அப்படி.

தமிழகத்தில் பெரும்பாலான மக்க ளுக்கு ஆங்கிலம் விளங்குகிறது. தமிழ் தான் விளங்குவதில்லை. குவார்ட்டர், கட்டிங் என்றால் சின்னப் பையனுக் குக் கூட கப்பென்று புரிந்துவிடும் (வாழ்க டாஸ்மாக்!) ஆனால் ‘வ’ என்றால் புரியுமா? அகராதியில்தான் அதற்கு அர்த்தம் இருக்கிறது. ‘வ’ என்றால் குவார்ட்டர். புரியாதவர் களுக்கு விளக்க வேண்டும் என்றால் தமிழ் எண்களின் குறியீடுகளை எடுத் துரைக்க வேண்டும். ‘க’ என்றால் ஒன்று. ‘ரு’ என்றால் ஐந்து. ‘அ’ என் றால் எட்டு.

இதை வைத்து பண்டைக்கால புலவர் ஒருவர் சொல் விளையாட்டு நடத்தி அங்கதச் செய்யுள் எழுதி யுள்ளார்.

“எட்டேகால் லட்சணமே

எமனேறும் வாகனமே

முட்டக் கூரையில்லாச் சுவரே”

என்று அந்தச் செய்யுள் சொல்லும். நேரடியாக எருமை என்று திட்டாமல் எமனேறும் வாகனமே எனலாம். ‘குட்டிச்சுவர்’ என்பதற்கு பதிலாக ‘முட்டக் கூரையில்லாச் சுவர்’ என லாம். இப்படித்தான் எட்டேகால் லட்ச ணம் என்றால் அவ லட்சணம். (அ-எட்டு; வ-கால்).

தமிழின் இந்த உள் ரகசியத்தைப் புரிந்து செம்மொழியை நன்கு ஆய்வு செய்து ‘வ’ என்றால் கால் (நான்கில் ஒரு பங்கு) என்பதைக் கண்டறிந்து சொன் னதற்காகவே அந்தப் படத்திற்கு வரிவிலக்கு கொடுத்திருக்கலாம். அக ராதியிலும் ‘வ’ என்பதற்கு விளக்கம் கிடைத்திருக்கும்.

ஆனால் ‘ஒச்சாயி’ என்பதை எந்த அகராதியில் தேடுவது? தமிழ் எங்கள் உயிர் என்று பேசிக்கொண்டே அதனை வதை செய்து ஆங்கிலத்துக்கு அடிமை யாக்கிவிட்டனர். அதனால்தானே தமி ழில் பெயர் சூட்டும் திரைப்படங் களுக்கு வரிவிலக்கு; தமிழில் பெயர் வைத்தால் குழந்தைகளுக்கு மோதிரம் (கலைஞர் மொழியில் கணையாழி) கடைகளின் பெயர்ப்பலகையைத் தமி ழில் எழுதி வைக்க ஏகப்பட்ட கெடு பிடி என்ற கூத்தெல்லாம் அரங்கேறு கிறது.

‘ஒச்சாயி’ பெயரைத் தமிழ் அகராதி யில் தேடிய அரசு நிர்வாகத்திற்கு சில கேள்விகளை முன் வைக்க வேண்டி யுள்ளது. அதற்கு முன் ‘ஆக்ஸ்ஃ போர்ட்’ அகராதியின் சில அம்சங் களை சொல்லி வைப்பது நன்று.

நடக்க வேண்டிய ஒரு நிகழ்ச்சி முன் கூட்டியே நடத்தப்பட்டால் ப்ரி போன் (pre-pond) என்ற சொல்லைப் பயன்படுத்துகிறோம். ஆங்கிலத்தில் இப்படியொரு வழக்கு இல்லை. அட் வான்ஸ் (advance) ஆகியது என்று தான் சொல்ல வேண்டும். ஆனாலும் வழக்கத்தில் வந்துவிட்ட சொல்லை யும் விடாமல் இது இந்திய வழக்கு, 1970களிலிருந்து இந்தச் சொல் பயன் படுத்தப்படுகிறது என்ற குறிப்போடு ஆக்ஸ்ஃபோர்ட் அகராதி பதிவு செய் துள்ளது.

இப்படி தமிழ் அகராதியைத் தற் காலிகப்படுத்தியிருக்கிறதா தமிழக அரசு? தமிழ் என்பது செந்தமிழ் மட்டு மல்ல; கொடுந்தமிழும் மக்கள் வழக் கில் உள்ள கிராமியத் தமிழும் வட்டாரத் தமிழும் சேர்ந்ததுதான் தமிழ். இவற்றுக் கெல்லாம் அகராதி தயாரிக்க வேண் டும் என்ற தமுஎகசவின் கோரிக்கைக்கு செவிசாய்க்கிறதா தமிழக அரசு?

தமிழை காலத்துக்கேற்ப, மக்க ளின் உணர்வுகளுக்கேற்ப, பழக்க வழக்கங்களுக்கேற்ப, தொன்மங்களை யும் உள்ளடக்கி தகவமைக்காமல் ‘ஒச்சாயி’ என்ற கிராம தேவதையின் பெயரை அகராதியில் தேடுவது அபத் தம் அல்லவா?

நாடகப் பேராசிரியர் மு. ராமசாமி எழுதி இயக்கிய ‘கலகக்காரர் தோழர் பெரியார்’ என்ற நாடகத்தை அரங்கில் நடத்த தமுஎகச காவல்துறையிடம் அனுமதி கோரியது. கலகம் என்பது கெட்ட வார்த்தை அதை நீக்கினால் தான் அனுமதி என்று வாதாடினார் காவல்துறை ‘அதிகாரி’. இது நல்ல வார்த்தைதான் என்பதற்கு ஏராளமான ஆதாரங்களைக் காட்டி வழக்கறிஞர் ச. செந்தில்நாதன் விளக்கிய பிறகே ஏற்றுக்கொண்டார் அவர்.

இப்படி தமிழகத்தின், தமிழர்களின் அகராதி தெரியாமல் அகராதியின் பக் கங்களை அதிகாரிகள் புரட்டிக்கொண் டிருந்தால் “என்னப்பா சுத்த அகராதி புடிச்சவங்களா இருக்காங்கே” என்று கேலி பேசும் நிலைதான் தமிழக அர சுக்கும், தமிழகத்தின் தமிழாய்ந்த முதல்வருக்கும் ஏற்படும் என்பது தான் ‘ஒச்சாயி’ படம் தரும் பாடம். (எப்படியோ ‘ஒச்சாயி’ தமிழ்பெயர்தான் எனக் கண்டுபிடித்து வரி விலக்கு அளிக்கப்பட்டுவிட்டது என்பது கடைசி யாகக் கிடைத்த ஆறுதல் தகவல் )

மாட்டிக்காம செய்ய வேணாமா?

2010-10-31T08:08:00.000-07:00

“நான் பதவி விலகுகிற பேச்சுக்கே இடமில்லை.” - இப்படி வெள்ளிக்கிழமை மும்பை மாலை செய்தியாளர்களிடம் வீரவசனம் பேசிய மஹாராஷ்டிரா முதலமைச்சர் அசோக் சவாண், 24 மணி நேரத்தில்,

“நான் பதவி விலகத் தயார், இனி கட்சிதான் முடிவெடுக்க வேண்டும்” என்று பரிபக்குவம் அடைந்தவராக புதுதில்லி செய்தி யாளர்களிடம் கூறுகிறார். இப்படி அவர் மாற்றி அறிவித்ததன் பின்னணியில் காங்கிரஸ் தலை மையின் நிர்ப்பந்தம் இருக்கும் என்பதில் ஐயமில் லை. மும்பையின் கொலாபா பகுதியில் கட்டப் பட்டு வருகிற ஆதர்ஷ் ஹவுசிங் சொசைட்டி என்ற 31 தளங்கள் கொண்ட அதி நவீன அடுக்கு மாடிக் கட்டடம்தான் பிரச்சனையின் மையம். அந்தக் கட்டடத்திற்கு அனுமதி அளிக்கப்பட்ட தில் நடந்துள்ள முறைகேடுகள் ஒரு சூறாவளி யாக மாநில காங்கிரஸ் அரசைப் புரட்டிக்கொண் டிருக்கின்றன.

காங்கிரஸ் கட்சியைப் பொறுத்தவரையில் ஊழல் விவகாரங்கள் எவ்வித உறுத்தலையும் ஏற்படுத்துவதில்லை என்பதுதான் காமன்வெல்த் விளையாட்டுப் போட்டி முறைகேடுகள் உள்பட நாட்டின் அனுபவம். ஆனால், முதலில் 50 வீடு களுடன் 6 மாடிக் கட்டடத்திற்கான அனுமதியு டன் 2003ல் தொடங்கப்பட்ட இந்தத் திட்டம், 31 மாடிக் கட்டடமாக மாற்றப்பட்ட பிரச்சனையில் முட்டிக்கொண்டிருப்பது எத்தனை கோடி ரூபாய் கைமாறியது என்ற லஞ்ச லாவண்யம் மட்டுமே அல்ல; முதலமைச்சரின் உறவினர்களுக்கும் சில காங்கிரஸ் தலைவர்களுக்கும் அந்தக் கட்டடத்தில் வீடுகள் ஒதுக்கப்பட்ட கொடுக் கல் வாங்கல் மட்டுமே அல்ல.

இயற்கைச் சமநிலை, சுற்றுச் சூழல் விதிகள் ஆதர்ஷ் அத்துமீறலுக்காகப் புறக்கணிக்கப்பட் டிருக்கின்றன. அடிக்கடி புயல் பாதிப்புக்கு உள் ளாகும் மும்பை போன்ற நகரங்களின் மக்களுக்கு, இயற்கையைப் பகைக்கும் வன்முறையாகி யுள்ள இப்படிப்பட்ட கட்டடங்கள் பெரும் அச் சுறுத்தலாக உள்ளன.

முக்கியமான பிரச்சனை, இந்தத் திட்டம் யாருக்காகத் தொடங்கப்பட்டு பின்னர் தடம் மாற் றப்பட்டது என்பது. 11 ஆண்டுகளுக்கு முன், தீவிரவாதிகளோடு சேர்ந்து பாகிஸ்தான் ராணு வத்தினர் இமயத்தின் கார்கில் பனிமலையை ஆக்கிரமித்தனர். அதை முறியடித்த போரில் இன்னுயிர் நீத்த இந்திய வீரர்களுக்கு நாட்டின் நன்றிக்கடனாக, அவர்களது மனைவிமார் களுக்கு வீடு வழங்கவே ஆதர்ஷ் திட்டம் உரு வாக்கப்பட்டது. பின்னர், மற்ற ராணுவ அதிகாரி களுக்காகவும் என்று விரிவுபடுத்தப்பட்டது. அதற்குப் பின், ராணுவத்தினர் அல்லாதவர்களுக் காகவும் என்று மாற்றப்பட்டது. வீரர்களின் தியா கத்திற்கு அஞ்சலியாகத் தொடங்கப்பட்ட திட் டம், அப்பட்டமான வியாபாரத் தளமாகக் கொச் சைப்படுத்தப்பட்டது.

எந்த அளவிற்கு காங்கிரஸ் ஆட்சியாளர்கள் மனசாட்சியைத் துடைத்தெறிந்தவர்களாக, அரசுப் பதவியை சுயநலத்திற்குப் பயன்படுத்து கிறவர்களாக இருக்கிறார்கள் என்பது இதன் மூலம் மேலும் பளிச்செனத் தெரிகிறது. ஆதர்ஷ் மட்டுமல்லாமல் புனே நகரின் லவாசா அடுக்கு மாடிக் கட்டடம் உள்ளிட்ட பல திட்டங்கள் இவ் வாறு விதிமுறைகளைக் குழியில் தள்ளி கட்டப் படுபவையே என்றும் தகவல்கள் வந்துள்ளன. தவறு செய்ததற்குத் தண்டனை என் பதைவிட, மாட்டிக்கொள்ளாமல் அந்தத் தவறைச் செய்யத் தவறியதற்காகவே காங்கிரஸ் அந்த நடவடிக்கையை எடுக்கலாம். இப்படியான அரசியலுக்கு மக்கள்தான் தீர்ப்பெழுத வேண்டும் ...

அவள் ஒரு தேவதை...

2010-10-31T01:52:00.000-07:00

”போர் முனையில் இருந்து வந்த யாராய் இருந் தாலும் அவரிடம் பெத்யூனு டைய பெயரைச் சொன்னால் போதும். அவர் பெத்யூன் மேல் தனக்குள்ள மரி யாதையை வெளிப்படுத்தாமல் இருந் ததே இல்லை எனலாம்; அவரது ஆன்மபலத்தினால் அசையாதவர்கள் யாரும் இல்லை என்று கண்டிப்பாகக் கூறலாம்”

இவை யாரோ ஒருவர் நார்மன் பெத்யூனைப் பற்றிக் கூறியவை அல்ல. மாசே-துங் சொன்னவை. இது உணர்ச்சியின் வெளிப்பாடு அல்ல; உண்மையின் தெறிப்பு.

“நார்மன் பெத்யூன் மூன்று நாடு களில் வளர்ந்து பணிபுரிந்து, போரா டிய போராளி; முதலில் சொந்த நாடான கனடாவில்; பின்னர் முற் போக்கு எண்ணமுள்ள அனைத்து நாட்டு மனிதர்களும் ஒன்றாய்க் கூடி நாஜிசத்திற்கும் பாசிசத்திற்கும் எதிராக மக்களின் முதல் பாதுகாப்பு தடுப்பு நடவடிக்கையை ஸ்பெயினில் நடத்தியபோது, கடைசியாக சீனா வில்; ஜப்பானிய பாசிஸ்டுகள் தாங் கள் கைப்பற்றிவிட்டதாக சந்தோஷ மாக நினைத்துக் கொண்டிருந்த சீனப்பகுதிகளை மீட்டு தேசிய விடு தலைக்காகவும் ஜனநாயகத்திற்காக வும் புதிய அடித்தளத்தை அமைத்த நமது கொரில்லாப் படைகளுக்கு பெத்யூன் உதவினார்....” என்கிறார் குங்-சிங்-லிங் (இவர் சன்யாட்ய் சென்னின் மனைவி)

பெத்யூன் வாழ்க்கை முழுவதுமே சுவையானது அர்ப்பணிப்பின் வாசம் மிக்கது. அந்த பேரேட்டிலிருந்து ஒரு இதழை இங்கு பார்ப்போம்.

பெத்யூன் ஒரு பெண்ணை தேவதை எனப் புகழ்ந்தார். ஏன்? எதற்காக?

கொரில்லா படைகளுடன் போர்க் களத்தில் மருத்துவ சேவை ஆற்றிக் கொண்டிருந்தபோது ஒரு நாள் களைப்புடனும் பசியுடனும் தூக்கம் வராமல் புரண்டு கொண்டிருந்தார் பெத்யூன். மருத்துவ உதவிப் பொருட் கள் வரும் வழி அனைத்தும் அடைபட்டு விட்டது. போரில் காயம்பட்டவர்க ளுக்கு உதவ போதுமான மருந்து இல்லை. எங்கும் காயமுற்றவர்களின் முனகலும் வேதனையும் கறுத்த அந்த இரவை மேலும் பயங்கரமாக்கியது. அவர் நெடிய யோசனைக்குப் பிறகு செல்வி ஹோவை சந்திப்பதென முடிவெடுத்தார். மறுநாள் புறப்பட்டு சென்றார்.

ஏற்கெனவே ஒரு மிஷனரி நிகழ் வில் அவளைச் சந்தித்த அனுபவம் உண்டு. அப்போது, எப்போது வேண்டு மானாலும் தன்னைச் சந்திக்க வரலாம் என்று அவள் அழைத்ததை நினைவில் நிறுத்தி இப்போது சென்றார். கத்லீன் என்பதே அவள் இயற்பெயர். கிராம மக்கள் அவளை அன்போடு ஹோ என்றழைத்தனர்.

தேவாலயத்தில் பிரார்த்தனையை அவள் முடித்து வரும் வரை பெத்யூன் காத்திருந்தார். அவரை பார்த்ததும் ஹோ மகிழ்ந்தார். மதிய உணவை தன்னோடு சாப்பிடும்படி அழைத் தார். அதுவரை பேசிக்கொண்டிருக் கலாம் என்றார். அவர்கள் உரையாடத் துவங்கினர்.

“கத்லீன்! நான் உன்னை ஒன்று கேட்க விரும்புகிறேன். நீ ஏன் சீனா வுக்கு வந்தாய்?”

“நான் சேவை புரிவதற்காக வந் துள்ளேன். இங்கே எனக்குச் சமயப் பிரச்சாரப் பணி உள்ளது.”

“இல்லை... நான் கேட்டது அது வல்ல, நீ ஏன் ஒரு மிஷனரியானாய்? அதுவும் சீனாவில்?”

“ஏனெனில் நான் எனது வாழ் வைக் கிருத்தவத்தைப் பரப்ப இறை வனுக்காக அர்ப்பணிக்க விரும் பினேன். இங்கே நாம் காப்பாற்ற வேண்டிய ஆத்மாக்கள் நிறைய உள் ளன; என்னால் முடிந்த மிகச்சிறிய வழிகளேயானாலும், அதனைக்கூடக் கடவுளின் பெயரைச் சொல்லி உபயோகித்து மக்களுக்கு முக்தி கிடைக்க வகை செய்ய வேண்டும் என் பதற்காக நான் மிஷனில் சேர்ந்தேன்”

“எனக்குப் புரிகிறது. நானும் இவான்சலிஸ்ட் குடும்பத்திலிருந்து வந்தவன்தான். அது உனக்கு ஒரு வகையில் ஆச்சரியமாக இருக்கும். நானே ஒரு வகையில் மிஷனரிதான். நீ இங்கே கடவுளுக்குச் சேவை செய்வதற் காக வந்ததாய்ச் சொன்னாய்; சொர்க் கத்தின் பிரகாசமான எதிர்காலத்தைக் கொண்டுள்ள மனித ஆத்மாக்களைக் காப்பாற்ற நீ விரும்புகிறாய். ஆனால், நான் அவர்களுக்கு இந்த பூமியி லுள்ள வாழ்க்கையையே காப்பாற்றிக் கொடுக்க வேண்டுமென விரும்புகி றேன். நாமிருவரும் பயணம் செல்லும் சாலையில் நம்மில் ஒருவர் மற்றவரை ஏதோ ஒரு புள்ளியில் விட்டு விட்டு விடைபெற்றுச் செல்லப் போகி றோம் என்பதை நீ ஒப்புக் கொள்ளா விட்டாலும், ஒன்று மட்டும் உறுதி; குறைந்தபட்சம் நாம் இருவரும் தற்போது சென்றுகொண்டிருக்கும் பாதை என்பது ஒரே திசையில் சென்று கொண்டிருக்கிறது என்பது தான்; குறைந்தபட்சம் நீ நம்பும் கடவு ளுக்கு நீ உண்மையாக இருக்கும் பட்சத்தில் நான் நம்புவதற்கு நான் உண்மையாக இருக்கும் பட்சத்தில், தற்போது நான் சொல்லும் உண்மை உனக்குப்புரியும்”

இப்படி உரையாடல் தொடர்ந்து மெல்ல மெல்ல நகர்ந்து கடைசியாக விஷயத்திற்கு வந்தார் பெத்யூன், “கத் லீன்! நீ எவ்வித தடையும் இல்லாமல் பீக்கிங்கிற்கு எளிதாகச் சென்று திரும்ப முடியும். நான் நீ எங்கே போக வேண்டும் எனச் சொல்கிறேன். மிஷ னரி என்ற வகையில் நீ மருத்துவப் பொருட்களை வாங்கி இங்கே கொண்டு வருவது சட்டப்படி ஏற்றுக்கொள் ளப்பட்டது தான். ஆகவே நீ எனக்காக அதைச் செய்வாயா?”

இக்கேள்வியைக் கேட்டு கத்லீன் குழம்பினார். “தன்னால் யுத்தத்தில் பங் கெடுக்க முடியாது” என மறுதலித் தார்.

பெத்யூன் விடவில்லை பேசினார். “நான் ஒன்றும் யுத்தத்தில் பங்கெடுக் கச் சொல்லவில்லை. மனிதர்களின் உயிரைக் காப்பாற்றும் சில காரியங் களைச் செய்யச் சொல்லிக் கேட்கி றேன்”

பேசிக்கொண்டிருக்கும் போது, தேநீர் வந்தது. இருவரும் அமைதியாக இருந்தனர். பின்னர் அவள் தொடர்ந் தாள், “சபாத் போன்ற (மத ரீதியாக முக்கிய நாள்) ஓய்வு நாளில் இப்படிப் பட்ட வார்த்தைகளைக் கேட்பது என்பது துன்பம் தருவதாக உள்ளது. நீங்கள் ரொம்ப கடினமான மனிதர். நாம் இங்கே கொஞ்ச நேரம் அமைதி யாக உட்கார்ந்திருப்போம். எவ்வித வாக்குவாதமும் வேண்டாம்” அவள் விருப்பப்படி அமைதிகாத்து உண வருந்தி அன்று பிரிந்து சென்றனர்.

அடுத்தநாள் பெத்யூனைப் பார்க்க அவள் கிராமத்திற்கு வந்தாள்.

“நான் பீக்கிங் போவது என்று முடிவு செய்துவிட்டேன்”

“இது ஆபத்தானது என்பது மறு படியும் உனக்குப் புரியவில்லையா? உனக்கும் சரி உன்மிஷனுக்கும் சரி” “ஆமாம், ஆனால் நீ செய்வதைக் காட்டிலும் இதுவொன்றும் ஆபத் தானது இல்லையே! இது கடவுளின் விருப்பம் என்று நான் இப்போது உறுதியாக நம்புகிறேன்”

அன்று தனது நாட்குறிப்பில் பெத்யூன் கீழ்க்கண்டவாறு எழுதினார்.

“நான் ஒரு தேவதையைச் சந்தித் தேன். ஆங்கிலேயத் தேவாலய மிஷனைச் சார்ந்த கத்லீன்தான் அவள். அவள் பீக்கிங் போய் மருத்துவப் பொருட் களை வாங்கி தனது மிஷனுக்குக் கொண்டு வருவாள் அதாவது எங்களுக்கு... அவள் தேவதை இல்லை யெனில், அந்த வார்த்தைக்கு என்ன அர்த்தம்?

இன்று தோழர் பொ.மோகன் முதலாமாண்டு நினைவு தினம்... !

2010-10-29T22:53:00.000-07:00

மார்க்சிஸ்ட் கம்யூனிஸ்ட் கட்சியின் மாநிலக் குழு உறுப்பினராகவும், மதுரை தொகுதி நாடாளு மன்ற முன்னாள் உறுப்பினராகவும் இருந்த தோழர் பொ.மோகன் அவர்களின் முதலாமாண்டு நினைவு தினம் சனிக்கிழமையன்று (அக் டோபர் 30) கடைப்பிடிக்கப்படுகிறது.

இதையொட்டி மார்க்சிஸ்ட் கம்யூனிஸ்ட் கட்சியின் மாநகர், புறநகர் மாவட்டக்குழுக்கள் சார்பில் மாவட்டம் முழுவதும் 800 க்கும் மேற் பட்ட இடங்களில் அஞ்சலி நிகழ்ச்சிகள் நடை பெறுகின்றன.

சனிக்கிழமை 10 மணிக்கு கட்சியின் மாவட் டக் குழுஅலுவலகத்தில் தோழர் பொ.மோக னின் படத்திற்கு கட்சி யின் மத்தியக்குழு உறுப் பினர் டி.கே.ரங்கராஜன் எம்.பி., மாநிலக் குழு உறுப்பினர்கள் என். நன்மாறன் எம்எல்ஏ, இரா. ஜோதிராம், மாநகர் மாவட்டச் செயலாளர் இரா. அண்ணாதுரை, புறநகர் மாவட்டச் செயலாளர் சி.ராமகிருஷ்ணன் உள்ளிட்டோர் மாலை அணிவித்து அஞ்சலி செலுத்துகின்றனர்.

தோழர் பொ.மோகன் பற்றி அறிந்துகொள்ள, வலைப்பூ எழுத்தாளர் எழுதிய சிறு கட்டுரையை இந்தப் பக்கத்தில் வழங்குகிறோம்.

மோகன் என்றொரு ‘அரசியல்வாதி’!

“…மழை பெய்து கொண்டிருந்த நாள் ஒன்றில் ஜோதி கணேஷ் என்ற வங்கி ஊழியருக்கு அதிர்ச்சி காத்திருந்தது. சாலை முழுவதும் தண்ணீர் தேங்கியிருந்தது. ஆனால் ஒரு நபர் மட்டும் வேட்டியை மடித்துக் கொண்டு அதை சரி செய்யும் பணியில் இருந்தார். அவர் ஒரு நாடாளுமன்ற உறுப்பினர்…!”

-தமிழகத்தில் இப்படியொரு அறிமுகத்துக்குத் ‘தகுதியான’ அரசியல்வாதிகள், இன்று யாராவது இருப்பார்களா தெரியவில்லை… ஆனால் நேற்று வரை ஒருவர் இருந்தார். அவர் திரு பொ மோகன் (60). மதுரையின் முன்னாள் எம்பி.

சென்ற ஆண்டில் இதே நாளில், சென்னை அப்பல்லோ மருத்துவமனையில் மரணத்தைத் தழுவினார் மோகன்.

ஒருமுறை அவரை மார்க்சிஸ்ட் கம்யூனிஸ்ட் கட்சியின் சென்னை அலுவலகத்தில் சந்தித்திருக்கிறேன். இப்படிக்கூட எளிமையாக இருக்க முடியுமா என என்னை அதிர வைத்த மனிதர் அவர். இத்தனை ஆண்டு கால பத்திரிகையாளர் அனுபவத்தில் நான் இரு அரசியல்வாதிகளைத்தான் பேருந்துப் பயணத்தில் சந்தித்துள்ளேன். அந்த இருவரில் மோகன் ஒருவர் (இன்னொருவர் அதே மார்க்சிஸ்ட் கட்சியின் உ ரா வரதராஜன்.)

பதவியிலிருந்தாலும் இல்லாவிட்டாலும் கடைசி வரை மக்களுக்கான பணியாளனாக இருந்தவர் மோகன்.

பதவிக்கு வருவதற்கு முன் ஒரு சைக்கிளும், பதவிக்கு வந்த பிறகு கட்சி வாங்கிக் கொடுத்த ஒரு எம் 80 ஸ்கூட்டரும்தான் மோகன் என்ற நாடாளுமன்ற உறுப்பினரிடம் இருந்த வாகனங்கள் என்றால் உங்களுக்கு அதிசயமாகத்தான் இருக்கும். இந்தியாவிலேயே சைக்கிளில் நாடாளுமன்றம் சென்ற ஒரே எம்பி மோகன் என்பது நீங்கள் வாழ்நாளில் கேள்விப்பட்டிராத ஒன்றுதானே!

எம்பியான பிறகும்கூட ரேஷன் கடைக்கு தனது வாகனத்தில் சென்று ரேஷன் பொருட்களை வாங்கிக் கொண்டு வந்த மனிதர் இவர்.

மதுரை மாவட்டம் சோழவந்தானில் பிறந்தவர் மோகன். அமெரிக்கன் கல்லூரியில் பி.ஏ படித்தார். கட்சியில் பல்வேறு பொறுப்புகளை வகித்தார். மதுரை லோக்சபா தொகுதியிலிருந்து 1999 மற்றும் 2004 ஆகிய தேர்தலில் அடுத்தடுத்து வெற்றி பெற்றார்.

மதுரை மக்களின் அன்பைப் பெற்றவர். சர்ச்சையில் சிக்காதவர். கூப்பிட்ட குரலுக்கு ஓடி வருபவர் என்ற பெயரெடுத்தவர். யாரையும் கடுமையாக பேசாதவர். அமைதியாக செயல்பட்டவர்.

இப்படிப்பட்ட மனிதர்கள் இருக்கும் போது அவர்களின் அருமை மக்களுக்குத் தெரிவதில்லை. அதனால்தான் கடந்த நாடாளுமன்றத் தேர்தலில் அவரை தோற்கடித்தும் காட்டினார்கள், அந்த தோல்வி அவருக்கல்ல என்பது புரியாமலே.

மோகன் என்ற மக்கள் ஊழியனுக்கு மனதார அஞ்சலி செலுத்துங்கள், இந்த மாதிரி ஊழியர்கள் நிறைய உருவாக வேண்டும்.

நவ.8 ஒபாமா வருகைக்கு இடதுசாரிகள் எதிர்ப்பு !

2010-10-29T19:10:00.000-07:00

இந்திய மக்களின் அனைத்து நலன்களையும் சீர்குலைக்கும் விதத்தில், தனது ராணுவ வளை யத்திற்குள் கொண்டுவர நிர்ப்பந்தங்களைச் செலுத் தும் அமெரிக்க அரசின் ஜனாதிபதி பாரக் ஒபாமா வின் வருகையை எதிர்த்து நாடு முழுவதும் அணி திர ளுமாறு இடதுசாரி கட்சி கள் கூட்டாக அழைப்பு விடுத்துள்ளன.

இது தொடர்பாக மார்க் சிஸ்ட் கம்யூனிஸ்ட் கட்சி, இந்திய கம்யூனிஸ்ட் கட்சி, அகில இந்திய பார்வர்டு பிளாக் மற்றும் ஆர்எஸ்பி ஆகிய இடதுசாரி கட்சிகள் கூட்டாக வெளியிட்டுள்ள அறிக்கையில் கூறியிருப்ப தாவது:-

அமெரிக்க நாட்டின் அதிபர் பாரக் ஒபாமா, இந் தியாவிற்கு வருகிறார். முதல் ஆப்பிரிக்க-அமெரிக்க அதி பர் என்ற முறையிலும், நவீன பிற்போக்கு புஷ் ஆட்சி அகற்றப்பட்ட சூழ்நிலையி லும், ஆக்கபூர்வமான மாற் றங்கள் ஏற்படும் என்று எதிர் பார்ப்புகள் நிலவின. ஆனால் அது நடக்கவில்லை.

அவரது வருகையின் போது 2010 நவம்பர் 8 அன்று நாடு தழுவிய அள வில் எதிர்ப்புநாள் கடைப் பிடிக்க இடதுசாரிக் கட்சி கள் தீர்மானித்திருக்கின்றன. அமெரிக்கா, உலகளாவிய மேலாதிக்க வல்லமையை நிறுவுவதின் ஒரு பகுதியாக, நாடுகளின் உயர் தன்னா ளுமை மற்றும் பல்வேறு நாட்டு மக்களின் நலன்கள் பாதிக்கக்கூடிய வகையில் கொள்கைகளைப் பின் பற்றிக் கொண்டிருக்கிறது. இந்தியாவைப் பொறுத்த வரை,இந்தியாவுடன் ராணு வத்தந்திரக் கூட்டணி வைத் திருக்கிறோம் என்ற பெய ரில் மக்களுக்குத் தீங்கு இழைக்கக்கூடிய விதத்தில் பொருளாதாரக் கொள்கை களை இந்தியா கடைப் பிடித்திட வேண்டும் என்று அரக்கத்தனமான முறையில் நிர்ப்பந்தித்துக் கொண்டி ருக்கிறது.

உலக அளவிலும், இந் தியாவிற்கு எதிராகவும் அமெரிக்கா மேற்கொண்டு வரும் செயல்கள் குறித்து, இந்திய ஆட்சியாளர்கள் கொண்டிருக்கும் கருத்துக் களுக்கு முரணாக, இடது சாரிக் கட்சிகள் நாட்டு மக் களில் பெரும்பான்மையோ ரின் கருத்துக்களை முன் வைத்திட விரும்புகிறோம்.

நவம்பர் 8 அன்று நடை பெறும் எதிர்ப்பு நாளன்று, இடதுசாரிக் கட்சிகள் கீழ்க் கண்ட பிரச்சனைகளைப் பிரதானமாக முன்வைக்கின் றன:

1. போபால் நச்சுவாயு விபத்தில் பலியானவர்களுக்கு நீதி வழங்க வேண்டும், டவ் கெமிக்கல்ஸ் நிறுவனம் உரிய இழப்பீட்டை அளித்திட வும், தொழிற்சாலை வளா கத்தைச் சுத்தப்படுத்தித்தர வும் நடவடிக்கைகள் எடுக்க வேண்டும். அமெரிக்கா, விசாரணையை எதிர்கொள் வதற்காக வாரன் ஆண்டர் சனை அனுப்பி வைத்திட வேண்டும்.
2. இந்தியாவின் அயல் துறைக் கொள்கை எப்படி இருக்க வேண்டும் என்று அமெரிக்கா நிர்ப்பந்தம் செலுத்துவதை நிறுத்த வேண்டும். அமெரிக்க மூலத னம் மற்றும் பன்னாட்டு நிறுவனங்கள் கொள்ளைய டிப்பதற்காக வேளாண்மை, சில்லரை வர்த்தகம், கல்வி மற்றும் இதர சேவைகளைத் திறந்துவிட நிர்ப்பந்தம் அளிப் பதை நிறுத்த வேண்டும்.
3. இந்தியாவை, அமெ ரிக்காவின் ராணுவப் பங்கா ளியாக மாற்ற வகை செய் யும் இந்திய - அமெரிக்க பாதுகாப்பு ஒப்பந்தத்தை ரத்து செய்யவேண்டும். அமெ ரிக்க அணு உலை விநியோ கஸ்தர்கள் மீதான பொறுப் புக்களைக் கைவிட வேண் டும் என்று இந்தியாவை நிர்ப்பந்திப்பதை நிறுத்திக் கொள்ள வேண்டும்.
4. இராக்கில் இருத்தி வைக்கப்பட்டுள்ள மீத முள்ள 50 ஆயிரம் படை யினரையும் உடனடியாக திரும்பப் பெற வேண்டும். ஆப்கானிஸ்தானத்தில் ஒரு சுயேச்சையான மற்றும் நடுநிலை அரசு அமையக் கூடிய விதத்தில் அரசியல் தீர்வு காண வேண்டும். அமெரிக்க - நேட்டோ படையினரை உடனடியாக திரும்பப் பெறவேண்டும்.
5. கியூபா மீதான பொரு ளாதாரத் தடையை நீக்க வேண்டும். பாலஸ்தீனம் மற் றும் அரபு நிலப்பகுதிகளில் மேற்கொண்டுள்ள ஆக்கிர மிப்புகளை விட்டு வெளியே றும் வரை இஸ்ரேலுக்கு அளித்திடும் அனைத்து உத விகளையும் நிறுத்தவேண்டும்.

நவம்பர் 8 அன்று மேற் கண்ட கோரிக்கைகளை வலியுறுத்தி நாடு முழுவதும், ஆர்ப்பாட்டங்கள் - பேரணி கள் நடத்திடுமாறு அனைத் துக் கிளைகளையும் இடது சாரிக் கட்சிகள் அறைகூவி அழைக்கின்றன.

2010-06-30T20:45:00.001-07:00